የአዲስ አበባ ከተማ አስተዳደር በመሬት አገልግሎቶች ላይ ጥሎት የነበረውን “ጊዜያዊ እግድ” አነሳ

 
የአዲስ አበባ ከተማ አስተዳደር በመሬት አገልግሎቶች ላይ ጥሎት የነበረውን “ጊዜያዊ እግድ” አነሳ         
በአዲስ አበባ ከተማ አስተዳደር ስር የሚገኙት 11 ክፍለ ከተሞች፤ ለሁለት ወር ገደማ ያህል ታግደው የቆዩ የመሬት አገልግሎቶችን በድጋሚ መስጠት መጀመራቸው ተገለጸ። የከተማዋ የመሬት ልማት እና አስተዳደር ቢሮ፤ በመሬት አገልግሎቶች ላይ ተጥሎ የቆየውን “ጊዜያዊ እግድ” ከዛሬ ጀምሮ ማንሳቱን አስታውቋል።       
“ጊዜያዊ እግዱ” የተነሳው፤ የከተማዋ የመሬት ልማት እና አስተዳደር ቢሮ ለአስራ አንዱም ክፍለ ከተሞች ዛሬ ረቡዕ የካቲት 29፤ 2015 በጻፈው ደብዳቤ ነው። የቢሮው ኃላፊ ዶ/ር ቀነዓ ያደታ፤ እግዱን መነሳቱን ለክፍለ ከተሞች በደብዳቤ ማሳወቃቸውን  ለ“ኢትዮጵያ ኢንሳይደር” አረጋግጠዋል።        
የአዲስ አበባ ከተማ የመሬት ልማት እና አስተዳደር ቢሮ በጥር ወር መጀመሪያ ላይ እግዱን ያስተላለፈው፤ ሁለት “መሰረታዊ መነሻዎችን” ከግምት ውስጥ በማስገባት መሆኑን ዶ/ር ቀነዓ ተናግረዋል። የቢሮ ኃላፊው በቀዳሚነት የጠቀሱት፤ በከተማዋ ውስጥ የሚታየውን “የመሬት ወረራ እና ህገ ወጥነትን” ነው።        
የመሬት እግዱ ለመተላለፉ ሁለተኛው ምክንያት “መንግስት የጀመረው የጸረ ሙስና ትግል” መሆኑን ዶ/ር ቀነዓ ለ“ኢትዮጵያ ኢንሳይደር” ገልጸዋል። ይህንን የመንግስትን ዘመቻ ተከትሎ “መሬት፣ ንብረት እና የተለያዩ ሀብቶች አላግባብ እንዳይሸሹ” ለማድረግ እገዳው እንደተጣለ አስረድተዋል።       
* * ሙሉ ዘገባውን ለማንበብ ይህን ሊንክ ይጫኑ:-https://ethiopiainsider.com/2023/9949/